Header Ads

காணி விடுவிப்பு, அரசியலமைப்பு தொடர்பில் பிரித்தானிய உயர்ஸ்தானிகருடன் கலந்துரையாடல்




வடக்கு மற்றும் கிழக்கில்  படையினர் வசமுள்ள காணிகள் யுத்தத்தின் பின்னரான காலப்பகுதியிலும் இதுவரை விடுவிக்கப்படாமை தொடர்பில் கிழக்கு முதலமைச்சர் ஹாபிஸ் நசீர் அஹமட் மற்றும் இலங்கைக்கான பிரித்தானிய உயர்ஸ்தானிகருக்கிடையிலான சந்திப்பின் போது கலந்துரையாடப்பட்டுள்ளது,
 
படையினரின் ஆதிக்கத்திலுள்ள தமிழ் முஸ்லிம் மக்களின் காணிகள் விடுவிக்கப்படுவதன் ஊடாக சிறுபான்மையினரின் நம்பிக்கையை வெற்றி கொள்வதற்கு ஏதுவான காரணியாக அமையும் என்பதும் இந்த சந்திப்பின் போது சுட்டிக்காட்டப்பட்டுள்ளது.
 
கிழக்கு மாகாண முதலமைச்சர் ஹாபிஸ் நசீர் அஹமட் மற்றும் இலங்கைக்கான பிரித்தானிய உயர்ஸ்தானிகர் ஜேம்ஸ் டவுரிஸ் (James Dauris) ஆகியோருக்கிடையிலான சந்திப்பு திருகோணமலையில் உள்ள முதலமைச்சர் அலுவலகத்தில் இன்று (15) முற்பகல் இடம்பெற்றது.
 
இந்த சந்திப்பில் கிழக்கு மாகாண அமைச்சர்களான ஏ.எல்.எம் நசீர் ,ஆரியவதி கலப்பதி மற்றும் முதலமைச்சரின் செயலாளர் யூ.ஏ.எல் அஸீஸ் உட்பட பிரித்தானிய உயர்ஸ்தானிகராலயத்தின் அதிகாரிகளும் கலந்து கொண்டனர்.

அத்துடன் தற்போது முன்னெடுக்கப்பட்டு வரும் அரசியலமைப்புத் திருத்தம் தொடர்பாகவும் இதன் போது கலந்துரையாடப்பட்டுள்ளதுடன் அரசியலமைப்புத் திருத்தத்தினூடாக சிறுபான்மையினருக்கான நிரந்தரமாக பாதுகாப்பான தீர்வொன்றை  பெறுவது தொடர்பில் கவனம் செலுத்தப்பட்டுள்ளது
 
இதன் போது கிழக்கு மாகாண கல்வித் துறையை மேம்படுத்துவதற்கான உதவி நிகழ்ச்சித் திட்டமொன்றை உருவாக்க வேண்டும் இதனூடாக இன்று பௌதீக வளப்பற்றாக்குறையுடன் இயங்கும் கிழக்கு மாகாணத்தின் பின் தங்கிய பகுதிகளிலுள்ள பாடசாலைகளை அபிவிருத்தி செய்தல் மற்றும் கட்டடங்கள் நிர்மாணம் மற்றும் தொழில் நுட்ப வசதிகளை ஏற்படுத்தல் போன்றவற்றிற்கு பிரித்தானியாவின் ஒத்துழைப்பு கோரப்பட்டுள்ளது.

No comments:

Powered by Blogger.